Barcelona - eitt paradís fyri alkoholfrítt øl

Njóti alkoholfrítt øl í Barcelona. 

Barcelona er eitt paradís á nógvar ymiskar hættir, ikki minst fyri okkum fjarskotnu atlantsfólk. Her er framúr matur, framúr klæði, framúr arkitekturur, ja í grundini øgiliga nógv av tí, ið ikki er so framúr í Føroyum. Umframt alt hetta er Barcelona eit paradís fyri alkoholfrítt øl. Havi drukkið fleiri alkoholfríar ølir hvønn dag, og siti nú á flogvøllinum og njóti eina seinastu bjór, áðrenn leiðin gongur heim aftur á klettarnar. 

Ikki bara fær man framúrskarandi alkoholfrítt øl í Barcelona. Fleiri bryggjarí her um leiðir gera enntá bæði alkohol- og sukurfrítt øl. Her er enntá eitt, ið ger zero-zero-zero-øl: alkohol-, sukur- og glutenfrítt. Og mínsann um eg ikki enntá fekk eina zero-zero-øl, ið harumframt var probiotisk. So ber til at drekka øl við góðari samvitsku, enntá á miðdegi ein miðvikudag, um tað skal vera.

Í Føroyum hava vit ikki somu mentan við alkoholfríum øli, tó at bæði Oy og Føroya Bjór royna seg við alkoholfríum og lágalkoholiskum øli. Hetta er ein framburður í mun til at fyri fáum árum síðani vóru als eingi føroysk alkoholfrí øl. Allur bati bøtir, men langt er á mál. Alkoholfrítt øl verður framvegis sæð sum nakað man drekkur, tí man ikki vil ella kann drekka alkohol, t.d. um man vil koyra vil ella skal gera okkurt til nyttu. 

Í Barcelona og øðrum stórbýum er man langt síðani komin har til, at fólk drekka alkoholfrítt øl sum eitt produkt í sínum egna rætti. Uml. 14% av øllum øli, ið verður drukkið í Barcelona er alkoholfrítt, og tað er vorðið púra vanligt at skifta ímillum øl við ella uttan alkohol. Nógv hugsa um heilsuna, og velja tí alkoholfrítt fram um. Tað stuðlar væl upp undir rákið, at alkoholfrítt øl nú nærum smakkar líka væl sum vanligt øl. 

Nei, alkoholfrítt øl er IKKI ein vánalig eftirlíkning av vanligum øli, tó at tað hjá Føroya Bjór týðiliga er tað. Oy hevur alkoholfrítt øl, ið hevur sín egna samleika, tó at langt er eftir á mál til tað støðið, man kann finna í Barcelona. Tó so er Oy væl á veg, og takk fyri tað. 

Viðvíkjandi páhaldinum, at alkoholfrítt øl ikki kann vera líka gott sum alkoholhaldandi øl, so heldur tað ikki. Bestu alkoholfríu ølini í Spania eru framúr, og tað er tí at eftirspurningurin er har, soleiðis at bryggjaríini hava eina orsøk til at gera sær ómak við menningini og framleiðsluni.

Tað er fantastiskt at kunna drekka øl uttan at verða rúsaður og uttan at hava ringa samvitsku um skaðarnar, ið vanligt øl førir við sær. Alkoholfrítt øl er ikki bara gott, men tá ið bæði sukur og gluten harumframt verða skorin niður í einki, eins og kaloriunøgdin er lág, er talan um ein rímiliga skilagóðan drykk, ið man kann drekka hvønn dag.

***

p.s. Barcelona er sjálvandi ikki eitt paradís fyri øll, bera nógvu mótmælisgongurnar boð um. Á gøtunum eru nógvir biddarar og fólk liggja og sova á madrassum ymsastaðni í býnum. Á Plaça de Catalunya er í løtuni ein stór mótmælis-tjaldingarlega, har heimleys mótmælt bústaðatrotinum í Barcelona, ið m.a. stendst av, at bústaðir verða leigaðir út til rík ferðafólk heldur enn til fastbúgvandi barcelonabúgvar.
p.p.s. Heimafturkomin hugsi eg um, hvussu gongst við mótmælistjaldingini, nú glopraregn hevur verið í nakrar dagar. Støðan er ring nógvastaðni á eysturstrondini í Spania.


  • Hæddarpunkt í vikuni: Farnu viku var eg á námsferð í Barcelona við einum flokki á Glasi. Dentur varð lagdur á framúrskarandi byggilistina í Barcelona, men eisini vitjaðu vit stásiliga sjósavnið og sjokulátusavnið, umframt hægsta bygning í býnum, har gott útsýni er yvir mest sum allan býin.

English translation


Barcelona is a paradise in many different ways, not least for us far-flung Atlanteans. There is excellent food, excellent clothes, excellent architecture, well basically a lot of what is not so excellent in Faroe Islands. On top of all this, Barcelona is a paradise for non-alcoholic beer. Having drunk several non-alcoholic beers every day, I am now sitting at the airport enjoying one last beer before heading back home to the rocks. 

Not only do you get excellent non-alcoholic beer in Barcelona. Several breweries around here even make both alcoholic and sugar-free beer. Here's even one that makes zero-zero-zero beer: alcohol-, sugar- and gluten-free. And I even got a zero-zero beer, which was also probiotic, so you can drink beer with a good conscience, even at noon on a Wednesday, if that's the case. 

In the Faroe Islands we do not have the same culture with non-alcoholic beer, although both Oy and Føroya Bjór experiment with non-alcoholic and low-alcohol beer. This is an improvement compared to a few years ago there were absolutely no Faroese non-alcoholic beers. It's an improvement, but there is a long way to go. Non-alcoholic beer is still seen as something you drink because you don't want or can't drink alcohol, e.g. if you want to drive you want or should do something useful. 

In Barcelona and other cities, people drink non-alcoholic beer as a product in their own right. Approx. 14% of all beer drunk in Barcelona is non-alcoholic, and it has become quite common to switch between beer with or without alcohol. Many people think about their health, and therefore choose alcohol-free. It is well supported by the fact that non-alcoholic beer now tastes almost as good as regular beer. 

Non-alcoholic beer is NOT a bad imitation of regular beer, although Føroya Bjór's clearly is. Oy has a non-alcoholic beer that has its own identity, although there is still a long way to go to the level you can find in Barcelona. However, Oy is well on his way, and thank you for that.

Regarding the claim that non-alcoholic beer cannot be as good as alcoholic beer, it is not. The best non-alcoholic beers in Spain are excellent, and that's because the demand is there, so the breweries have a reason to bother with the culture and production.

It's great to be able to drink beer without getting drunk and without having a bad conscience about the harms that regular beer brings. Non-alcoholic beer is not only good, but when both sugar and gluten are also cut down to nothing, as the calorie content is low, it is a reasonably healthy drink that can be drunk every day.

Comments

Popular posts from this blog

Spæl fyri gallarínum - ráðagerðin, ið elvdi til nýval

Sjálvsøknið hjá Eyðdis fekk Sambandsskriðuna at leypa

Økta talið á tilflytarum elvir til panikk í Føroyum