Sjálvstýri hóttir eina komandi AB-samgongu

Um Sjálvstýri røkkur upp um tinggáttina, kann tað hótta eina møgulig AB-samgongu. Mynd: Copilot.

Fyri nøkrum vikum síðani stóð Fólkaflokkurin til at fáa 12-13 tinglimir í veljarakanningum. Síðani valið varð útskrivað, er tað tó gingið skeivan veg í veljarakanning hjá Spyr.fo 12. Mars stendur Fólkaflokkurin bert til at fáa 10 tinglimir - enntá upp á næstytsta brøk. 

Heldur ikki gongur væl hjá Sambandsflokkinum, ið fær 7 tinglimir, men upp á allarytsta brøk. Sostatt er tað sera ivasamt, um Fólkaflokkurin og Sambandsflokkurin einsamallir kunnu fáa einsamalla meirilutasamgongu, tí hóast nýggjasta kanningin gevur 17 tinglimir, er hetta sera tætt upp á 15 tinglimir, um man kannar desimalarnar. Í tí føri hevði ein slík samgonga verið noydd at tikið antin Miðflokkin ella Framsókn við í samgonguna. Ikki tí; annar tinglimurin hjá Miðflokkurin er alt annað enn tryggur sambært kanningini.


Meðan tað gongur niður á bakka hjá Fólkaflokkinum, gongur tað hinvegin uppeftir hjá Sjálvstýri, ið snávaði til seinasta løgtingsval. Til hetta valið hevur flokkurin spakuliga vunnið undirtøku í veljarakanningunum, og nú er flokkurin bert heilt fáar atkvøður frá at sleppa upp um tinggáttina. Hendir hetta, tekur Sjálvstýri møguliga ein tinglim frá Sambandsflokkinum, Fólkaflokkinum ella Miðflokkinum. 


Neyðugt kann tá gerast at fáa Sjálvstýri við í eina borgarliga samgongu, men tað er neyvan so lætt śum tað ljóðar, tí hóast formaður floksins, Sámal Petur í Grund, sigur flokkin vera “mitt á miðjuni”, so leggja útmeldingarnar frá flokkinum upp til, at flokkurin verður ein hin mest vinstravendi á Løgtingi eftir komandi val. Ein borgarlig samgonga við Sjálvstýri sum kitti hevði neyvan ligið væl í sjónum. 


Undir øllum umstøðum er nú realistiskt, at Sjálvstýri kemur aftur á ting, og tað kann fara at komplisera politiska landslagið munandi.


Hinvegin síggja Javnaðarflokkurin og Tjóðveldi, ið leingi fingu fimm tinglimir í part í veljarakanningum, út til at fáa tryggar seks tinglimir í part, og lopið upp til sjeynda tinglimin er møguligt, serliga um Sjálvstýri snávar.


Áhugavert verður at síggja, um Sjálvstýri megnar at lyfta seg upp um markið, ið er 1/33, t.v.s. 3,03%. Um so verður, er áhugavert at síggja, hvørjum flokki Sjálvstýri tekur ein tinglim frá. Nevnast má sjálvandi, at alt hetta er skrivað út frá eini veljarakanning við givnari óvissu, og harumframt kann nógv henda hálvuaðru vikuna fram til Løgtingsvalið.


Undir øllum umstøðum stendur ein AB-samgonga ikki á líka tryggari grund, sum hon tyktist gera, tá ið valið varð útskrivað.



Flokkur

Atkvøðubýti (%)

Tinglimir

Fólkaflokkurin

29.0

9.57

Sambandsflokkurin

19.8

6.53

Javnaðarflokkurin

18.8

6.20

Sjálvstýri

2.9

0.96

Tjóðveldi

17.8

5.87

Framsókn

6.9

2.28

Miðflokkurin

4.8

1.58

Tilsamans

100.0

33

Kanning hjá Spyr.fo 12. mars 2026

Comments

Post a Comment

Popular posts from this blog

Løgtingsmaðurin, ið ikki tímdi meiri

Image
Vit vóru vitni til eina sera løgna hending í farnu viku. Sólvit Nolsø, ið í vár fór frá sum formaður í tingbólkinum hjá Framsókn, tí at fortreytirnar í Framsókn vóru broyttar, síðan hann stillaði upp seinast, gjørdi nú ikki mætari enn at taka seg úr Løgtinginum, soleiðis at sættvaldi á framsóknarlistanum - Árni Dam -  nú kemur á ting fyri hann. Sólvit gjørdist triður á listanum við 249 atkvøðum, men Árni fekk einans 102 atkvøður. Ítøkiliga orsøkin er, at Sólvit í næstum byrjar sum kommunustjóri í Vestmanna kommunu - blíðan byrð við tí, Sólvit! Men við Kringvarpið sigur hann harumframt, at: “Ymiskt er hent seinastu árini, sum hevur broytt mína meining um, at politikkur skuldi verða mín yrkisleið.” Tað er ein týðiliga vónsvikin maður, ið nú smekkar við tinghurðini, men sigast má eisini, at hann hevur havt eina løgna politiska karrieru. Hann byrjaði sum skrivari hjá Fólkaflokkinum, men gjørdist í 2022 landsstýrismaður í Almannamálum fyri sama flokk. Hóast hetta vendi hann flokkinum r...
Read more

Spæl fyri gallarínum - ráðagerðin, ið elvdi til nýval

Image
  Í farnu viku sóu vit løgmann og løgtingsforkvinnuna - landsins ovastu embæti - taka seg saman at lumpa Framsókn. Tað er ikki ólógligt, men heldur ikki vakurt at skoða. Myndir: Wikimedia Commons og Løgtingið. Vit vóru í farnu viku vitni til ein heldur ódámligan sjónleik - fyri ikki at siga glantrileik. Hóast politikarar royndu sum frægast at halda maskuni, er tó sera sannlíkt, at fittur partur av teimum vistu nøkulunda av, hvat gekk fyri seg handan leiktjøldini. At nýval í verki (les: hægst sannlíkt) varð útskrivað, tá ið Bjørt Samuelsen býtti um upp á raðfylgjuna av pensjónsaldurs- og Suðuroyartunnils-málunum, er heilt greitt. Øll, ið vildu vita tað, vistu tað tá. At løgtingsforkvinnan helt upp á, at tað var rein tilvild, var reint spæl fyri gallarínum.  At løgtingsforkvinnan og løgmaður vóru saman um gongdina hetta komandi samdøgrið, er eisini púra opinlýst. Og fleiri onnur vóru sjálvandi vitandi um hetta. Ivin stendst einans um, nær ráðagerðin byrjaði. Byrjaði tað eftir a...
Read more

Tjóðveldi í samleikakreppu av Russlandspolitikkinum

Image
Tjóðveldi hevur sum flokkur ilt í samleikanum. Undantikið sjálvt fullveldisstríðið, hevur hesin flokkur meiningar í allar ættir. Eitt aktuelt dømi er russlandspolitikkurin, har flokkurin er tvíbýttur.  Í vikuni skrivað Sigrid J. Dalsgaard, forkvinna í Eysturoyar Tjóðveldisfelagi og limur í aðalstjórn floksins, lesarabræv, har hon segði, at “Um vit velja at enda eitt samstarv ella um vit velja at gera fleiri revsitiltøk, skal tað vera tí at vit meta, at tað er rætt fyri okkara tjóð.” Hon raðfestir føroyskt sjálvsøkni fram um samhuga við Ukraina. Hon óttast at vit meiri enn at revsa russar revsa okkum sjálvi við at liva upp til høgu idealini hjá “moralsku reiðmonnunum”, ið tala til ringu samvitskuna hjá føroyingum.  Sigrid staðfestir víðari, at um vit kuta sambandið við Russland, er ikki víst at vit fáa nakran annan ágóða afturfyri: “So kaldur og kyniskur sum handils- og uttanríkispolitikkur er, so skulu vit ikki halda, at grannar okkara taka um endan og kompensera fyri missin....
Read more